Azərbaycan Respublikası Prezidentinin 29 aprel 2016-cı il tarixli Sərəncamı ilə Azərbaycan Dövlət İqtisad Universitetinin Zaqatala filialı yaradılıb.
2016-cı il sentyabrın 15-də UNEC-in Zaqatala filialının açılışı olub. Filial regionların sosial-iqtisadi inkişafı üçün yüksək ixtisaslı kadrlara tələbatı təmin etmək, bölgələrdə yaşayan gənclərin seçdikləri ixtisaslar üzrə keyfiyyətli ali təhsilə çıxış imkanlarını genişləndirmək, eləcə də ali təhsil müəssisələrinin mövcud maddi-texniki və kadr potensialından istifadənin səmərəliliyini artırmaq məqsədi ilə yaradılmışdır. Filialda ümumilikdə 1683 tələbə təhsil alır. 2025-ci ildə filiala 352 tələbə qəbul olunub. Filial üzrə maksimal qəbul balı 464 olub.
Yataqxana
UNEC-in Zaqatala filialının yataqxanası 145 tələbə üçün nəzərdə tutulub. Burada 2 və 3 nəfərlik otaqlar keyfiyyətli mebel, zəruri avadanlıqlar, istilik-soyutma sistemi, sanitar qovşaq və duşla təmin edilib. Əlilliyi olan tələbələr üçün 2 inklüziv otaq ayrılıb. Yataqxanada smart texnologiyalar, istirahət otağı və oxu zalı, camaşırxana, ilkin tibbi yardım məntəqəsi, yeməkxana və mərtəbələrdə mətbəxlər mövcuddur. Təhlükəsizlik 24/7 nəzarət və müşahidə kameraları ilə təmin olunur.
İqtisadiyyat və menecment
İqtisadiyyat və idarəetmə
Texniki və texnoloji
Əyani
Qiyabi
.
Filial UNEC-in regional ali iqtisadi təhsil missiyasının icrasını təmin edir, bundan irəli gələn müsbət nəticələrdən region və dünya ali təhsil məkanında dayanıqlı rəqabət üstünlüklərinin formalaşması üçün şərait yaradır. Tələbələrin Universitetdə ali iqtisadi təhsil, sistemli bilik, bacarıq və işgüzar idarəetmə vərdişlərinin aşılanmasına və müasir biznes informasiyalarının araşdırılması qabiliyyətinin formalaşmasına, analitik düşünmə və qərarvermə qabiliyyətinin qazanılmasına, onların müəssisə və təşkilatlarda müxtəlif məsul vəzifələr tutmasına peşəkarlıq nöqteyi nəzərdən hazır olmalarına imkan yaradır.
